Vit takka fyri Festívalhöll 2025

Vikingafestivalurin á Sandi gjørdist ein serlig og minnirík uppliving. Vit vilja hjartaliga takka øllum tykkum, sum vóru við til at skapa festivalin – frá tá ið fyrsta tjaldið varð sett upp, til síðsta bálið varð sløkt.
Vit upplivdu eitt vikuskifti við gleði, láturi, forvitnum børnum, spentum gestum, stoltum vikingum, hondverki, rossum, leikum, bardagum, søgum og einum sterkum felagsskapi.

517384628_1052865890312666_5392791504308313110_n

Vit vilja takka:
– øllum tykkum, sum komu til Sandoynna úr øllum Føroyum
– vikingabólkunum, sum gjørdu søguna livandi
– føroysku rossini og teirra eigarar fyri at vísa hetta sjálvsama rossaslag
– okkara sjálvbodnu, sum við huga og áræði fingu alt at rigga
– og okkara stuðlum sum hjálptu okkum at røkka okkara mál
Uttan tykkum var eingin festivalur

Vælkomin á Víkingafestival

Mølheyggjar á Sandi  juli 2026

Longhouse Leirvík

Yvirskotið fer til bygging av langhúsi og sum frá líður víkingabygd 

Árið er 1026

Tú situr við Mølheyggjar eitt hásummarkvøld. Tjøldini standa tøtt og stinn á vøllinum. Hugtikin av bardagaframsýningini, kveikjandi fornhandverki og hugaligum ítrivum varnast tú lokkandi angan av víkingamati. Láturin frá fólki rundan bálið rennur saman við forntónleiki og sangi. Tú blundar og vónar, at løtan aldrin endar.

Vilt tú við sum víkingur ella sjálvboðin?

Vend teg til okkum við at trýsta á búmerki

Festívalhöll staðseting

Sandur – við Mølheyggjar

Mølheyggjar

Víkingatorgið

Festívalhöll bjóðar tær og tínar vinir, mammur og pápar, syskin, ommur og abbar ella børnum aftur í tíðina eina løtu. Víkingar koma víða frá. Við sær hava teir autentisk tjøld, har teir sýna fram ymiskt handverk úr víkingatíð. Møguligt verður at luttaka í víkingaleikum, har tú kanst royna teg sum sannur víkingur! Frumkendar tónleikaframførslur kunnu upplivast á staðnum. Somuleiðis við søgum og bardagaframførslum. Á økinum ber til at keypa leskiligan mat tilvirkaða úr rávørum, ið vóru tøkar fyri víkingar í sínari tíð. Drekka kann keypast afturvið. Síðst, men ikki minst verður bál har man kann sita við víkingum og práta, syngja, flenna og reypa. Vit gleða okkum til hugnaligar dagar við tykkum.

Skeið

Festívalhöll ætlar at bjóða fram ymisk skeið frá 30. juni til 3. juli. Kunning verður seinni at finna við at trýsta á búmerki niðanfyri. Dugur tú at undirvísa í fornum handverki, og gjarna vil bjóða teg fram, er tú vælkomin at skriva til okkara.
Festívalhöll bjóðar skeið í ymsum handverki. Fylg við her, tá skeiðini verða dagførd.

Tónleikur

Festívalhöll fær vitjan av dugnaligum tónleikarum sum spæla á økinum. Meira verður lýst seinni á leinkjuni niðanfyri

Samband

Jansstovugøta 5, FO-100 Tórshavn, Føroyar

+298 515116

festivalholl@festivalholl.fo