Vælkomin á Víkingafestival
Mølheyggjar á Sandi 5. – 7. juli 2024
Yvirskotið fer til bygging av langhúsi og sum frá líður víkingabygd
Árið er 1024
Tú situr við Mølheyggjar eitt hásummarkvøld. Tjøldini standa tøtt og stolt á vøllinum. Hugtikin av bardagaframsýningini og kveikjandi fornhandverki, tú royndi har, varnast tú lokkandi angan av víkingamatinum. Láturin frá fólki, ið sita og hugna sær við bálið, rennur saman við tónleikin við fornljóðførum og sangi. Tú blundar og vónar, at løtan aldrin endar.
Festívalhöll staðseting
Sandur – við Mølheyggjar
Víkingatorgið
Festívalhöll bjóðar tær og tínar vinir, mammur og pápar, syskin, ommur og abbar ella børnum aftur í tíðina eina løtu. Víkingar koma víða frá. Við sær hava teir autentisk tjøld, har teir sýna fram ymiskt handverk úr víkingatíð. Møguligt verður at luttaka á víkingatingi og í víkingaleikum, har tú kanst royna teg sum sannur víkingur! Á økinum verða eisini smakkiroyndir givnar út av leskiligum mati tilvirkaðar úr rávørum ið vóru tøkar fyri víkingar í sínari tíð. Drekka kann keypast afturvið. Frumkendar tónleikaframførslur kunnu upplivast á staðnum. Somuleiðis við søgum og bardagaframførslum. Síðst, men ikki minst verður bál har man kann sita við víkingum og práta, syngja, flenna og reypa. Vit gleða okkum til hugnaligar dagar við tykkum.
Skeið
Tónleikur
Festívalhöll arbeiðir upp á at fáa dugnaligar tónleikarar at spæla til festivalin